હું અને કરીના વારંવાર મળતા રહીએ છીએઃ શાહિદ કપૂર

હું અને કરીના વારંવાર મળતા રહીએ છીએઃ શાહિદ કપૂર

Blog Article

શાહિદ કપૂર અને કરીના કપૂરની જોડી બે દાયકા અગાઉ ખૂબ જાણીતી હતી. શાહિદ-કરીનાની ફિલ્મ ‘જબ વી મેટ’ને દર્શકોએ આવકારી હતી. શાહિદ-કરીનાએ લાંબા સમયથી સાથે ફિલ્મ કરી નથી અને જાહેરમાં સાથે જોવા મળતા પણ નથી. તાજેતરમાં જયપુર ખાતે એક એવોર્ડ ફંક્શન દરમિયાન કરીના-શાહિદ સ્ટેજ પર ભેગા થયા હતાં.

આ પ્રસંગે તેમના વીડિયોએ ઉત્સુકતા જગાવી હતી અને ‘જબ વી મેટ’ અગેઈનની વાતો શરૂ થઈ હતી. કરીનાને મળવા અંગે ખુલાસો કરતા શાહિદે કહ્યું હતું કે, અમે વારંવાર મળતા રહીએ છીએ. અમારા માટે મુલાકાતોમાં નવાઈ નથી. ‘જબ વી મેટ’ ફિલ્મ 2007માં રિલીઝ થઈ હતી અને તે જ વર્ષે શાહિદ-કરીનાનું બ્રેક અપ થયું હતું.

પછી કરીનાએ સૈફ અલી ખાન સાથે લગ્ન કર્યા હતા અને શાહિદે મીરા સાથે. બંને સ્ટાર્સ હવે બે-બે સંતાનના માતા-પિતા છે. જોકે જૂની યાદો અને જૂની વાતોને ભૂલવાનું સહેલું નથી હોતું. શાહિદ અને કરીનાએ બ્રેક અપ બાદ પણ એકબીજાની જાહેરમાં ટીકા કરી ન હતી. પર્સનલ અને પ્રોફેશનલ લાઈફમાં તેમની વચ્ચે હવે ગાઢ સંબંધ રહ્યો નથી, પણ સાવ અબોલા જેવી સ્થિતિ નથી. શાહિદે આ રીયુનિયન અંગે કહ્યું હતું કે, અમારા માટે, આ નવું નથી. અમે સ્ટેજ પર મળ્યા, અહીં-ત્યાં મળતા રહીએ છીએ. તો મુલાકાતો અમારા માટે નોર્મલ છે. લોકોને આ ગમતું હોય તો, તે સારું જ છે. બ્રેકઅપ બાદ પણ શાહિદ-કરીનાએ ઈન્ડસ્ટ્રીના સંબંધો સાચવવાની વાત કરી હતી.